پاک آرمی جنرل کی مصری صدر سے ملاقات

مصر ی ذرائع ابلاغ کے مطابق پاک فوج کے چیئرمین جوائنٹ چیف آف سٹاف کمیٹی جنرل ندیم رضا نے گزشتہ روز مصری صدر سے قاہرہ میں ملاقات کی۔ جنرل ندیم رضا کے ساتھ پاکستان کی وزارت دفاعی پیدوار کے وزیر، پاکستان کے مصر میں سفیر کے علاوہ لیفٹینینٹ جنرل محمد ذکی موجود تھے۔ صدارتی ترجمان کے مطابق مصری صد رنے صدر پاکستان عارف علوی اور وزیر اعظم پاکستان عمران خان کے لیے وفد کو نیک خواہشات کو پیغام دیا ۔ صدر عبدالفتح السیسی نے دونوں ممالک کے تاریخی دوستانہ تعلقات کی تعریف کی اور باہمی تعاون کو مزید مضبوط بنانے پر ذور دیا۔ دونوں جانب سے مختلف شعبوں میں باہمی تعاون کو فروغ دینے اور خاص طور پر دنیا بھر کو دہشت گردی اور انتہا پسندی سے متعلق درپیشں چیلنجز سے مل کر نمٹنے پر اتفاق کیا گیا ۔

Stay connected with us for the latest updates. Follow us on Facebook and Twitter.