پاک فضائیہ کے سربراہ ترکی میں

پاک فضائیہ کے سربراہ ایئر چیف مارشل ظہیر احمد بابر ترکی کے 4 روزہ سرکاری دورے پر ترکی موجود ہیں۔ائیر چیف نے ترکی کے وزیر دفاع حلوصی آقار اور ترکی کے چیف آف جنرل اسٹاف جنرل یاشار گولیر سے علیحدہ علیحدہ ملاقات کی۔ ملاقاتوں کے دوران پاک ترک دفاعی تعلقات کو مزید فروغ دینے اور دونوں فضائی افواج کے مابین باہمی تجربات سے استفادہ کرنے اور استعداد بڑھانے پر تبادلہ خیال کیا گیا۔
پاک فضائیہ کے سربراہ ایئر چیف مارشل ظہیر احمدبابر کو ترکی میں لیجن آ ف میرٹ سے نوازا گیا۔ایئر چیف نے دورہ ترکی کے دوران سینئر فوجی قیادت سے ملاقات کی اور دونوں ممالک کی فضائیہ کے درمیان تعاون کے فروغ پر تبادلہ خیال کیا۔ پاک فضائیہ کے ترجمان کے مطابق بعد ازاں ایئر چیف مارشل ظہیر احمد بابر نے ترک فضائیہ کے سربراہ جنرل حسان کوچک یاوز سے بھی ملاقات ۔اس دوران پی اے ایف اور ترک فضائیہ کے درمیان ہوابازوں کی تربیت اور تبادلے پر بھی گفتگو ہوئی۔

Stay connected with us for the latest updates. Follow us on Facebook and Twitter.