حوثیوں کا حملہ ناکام

سعودی عرب کی افواج نے جمعے کو علی الصبح حوثی ملیشیا کی جانب سے بھیجے گئے چار بارودی ڈرون طیاروں کو فضا میں تباہ کر دیا ۔ طیاروں کو بھیجے جانے کا مقصد سعودی عرب کے صوبے جازان میں شہریوں کو نشانہ بنانا تھا۔ اسکے علاوہ حوثیوں کی جانب سے داغا جانے والا ایک بیلسٹک میزائل بھی فضا میں تباہ کر دیا گیا۔یمن میں آئینی حکومت کو سپورٹ کرنے والے عرب اتحاد نے باور کرایا کہ ایران نواز حوثی ملیشیا کی طرف سے دانستہ طور پر شہریوں کو نشانہ بنانے کی کوششیں کی جا رہی ہیں۔ یاد رہےکہ عرب اتحاد نے دو روز قبل بھی کہا تھا کہ فضائی دفاعی نظام نے مملکت میں ابہا کے ہوائی اڈے کی جانب بھیجا جانے والا ایک بارودی ڈرون طیارہ فضا میں تبا کر دیا۔

Stay connected with us for the latest updates. Follow us on Facebook and Twitter.