سعودیہ اور امارات میں مشترکہ ایئر فورس مشقیں

 رائل سعودی ایئر فورس کے ایئرکرافٹ فضائی مشقوں میں شرکت کے لیے متحدہ عرب امارات کے الظفرہ ایئربیس پر پہنچ گئے، جہاں ’’میزائل ایئر وار سینٹر 2021‘‘ نامی مشقوں ہونگی ۔ سعودی ایئر فورس کے گروپ کمانڈر نے کہا ہے کہ فضائی مشقوں میں سعودی ایئر فورس کے تمام یونٹس شرکت کر رہے ہیں جس کے لیے امارات کے الظفرہ ایئر بیس پر تمام آلات اور دوسرا ضروری ساز وسامان بھی پہنچا دیا گیا ہے۔ انہو ں نے مزید کہا کہ مشقوں میں سعودی فضائیہ کے یونٹس ایف 15 سی کے ساتھ شرکت کر رہے ہیں- انہوں نے ان مشقوں کو عالمی سطح پر انتہائی اہم قرار دیتے ہوئے کہا کہ فضائیہ کی یہ عسکری نوعیت کی مشقیں حقیقی حالات سے ملتی جلتی صورت حال میں کی جائیں گی۔ ان مشقوں میں انتہائی مہارات اور تمام ممکنہ احتیاطی تدابیر کے بعد شرکت کو یقینی بنایا گیا ہے۔

Stay connected with us for the latest updates. Follow us on Facebook and Twitter.